Қазақстан мен Ресей ТЖ алдын алу саласында ынтымақтастықты қарқынды етуде

24 Марта 2016 1713 Ресей, ТөтеншеЖағдайлар, Ынтымақтастық, Қазақстан

Алматы. 24 наурыз. Ақпараттар орталығы. Қазақстан ішкі істер министрі Қалмұханбет Қасымов пен Ресей ТЖМ басшысы Владимир Пучков трансшекаралық сипаттағы ТЖ алдын алу саласында ынтымақтастықты қарқынды ету туралы хаттамаға қол қойды.

«Бүгін біз өте маңызды құжатқа қол қоямыз, ол бізге барлық ортақ міндеттерді жаңа деңгейде шешуге мүмкіндік береді. Мен Ресей ТЖМ мен Қазақстанның ІІМ өзара қарым-қатынасы жаңа оң серпінге ие болады, және біз ары қарай жаңа заманауи идеялар мен қарым-қатынастарды жүзеге асыруда қоян-қолтық жұмыс жасаймыз деген сенімдемін», — деді В.Пучков өткен сәрсенбіде кешкісін құжатқа қол қою кезінде, деп хабарлады ТАСС.

Өз кезегінде ҚР ІІМ басшысы Қ.Қасымов министрліктер арасындағы өзара қарым-қатынастың үлкен құқықтық базаға ие екенін атап өтті, ол барлық мәселені жедел шешу мүмкіндігін береді.

«Үлкен жұмыстар атқарылды, өткізіліп жатқан шекара маңы оқулары да оң ықпал етеді, үш жақты ортақ коллегия арасында үлкен жұмыстар жүргізілді», — деді министр.

Ол сондай-ақ ресейлік әріптесіне қазақ курсанттарын оқытқаны үшін алғысын білдірді.

Министрліктер арасындағы хаттама табиғи апаттар салдарын болжау, алдын алу және жою, ТЖ-ға ықпал ету мәселесінде кешенді қарым-қатынас әзірлеу және тәжірибе алмасу үшін тұрақты түрде кездесулер мен консультациялар өткізу, сондай-ақ трансшекаралық сипаттағы төтенше жағдайлардың алдын алу мақсатында өзара қарым-қатынасты нығайту мәселесі бойынша екі ел ынтымақтастығын қарқынды етуді білдіреді.

Тараптар сондай-ақ, Санкт-Петерборда сәуір айында ШЫҰ мүше-мемлекеттерінің өрт-құтқару бағытындағы оқу ғимараттарының Халықаралық жастар форумын өткізу болашағын; маусымда өтетін ТМД аясындағы төтенше жағдайлар Мемлекетаралық кеңесінің XXIX отырысын талқылады. Оған қоса, қыркүйекте Астрахань облысында каспий маңы мемлекеттерінің құтқару қызметінің оқуларын өткізу талқыланды.

Хабарда айтылғандай, В.Пучков қазақстандық әріптестерін 2016 жылы мамырда Мәскеуде өтетін «Кешенді қауіпсіздік-2016» халықаралық салонын өткізуге қатысуға шақырды.